سونا پھرمہنگا ہوگیا،فی تولہ قیمت 60 ہزار روپے کے قریب پہنچ گئی

کراچی: سونے کی قیمتوں میں ہفتہ کو اضافہ ریکارڈ کیا گیا ہے اورفی تولہ سونے قیمت ایک بار پھر60 ہزار روپے کے قریب پہنچ گئی ہے۔

بین الاقوامی بلین مارکیٹ میں سونے کی قیمت 9 ڈالرکے اضافے سے 1224 ڈالرفی اونس ہونے پر فی تولہ اور10 گرام سونے کی قیمتیں بالترتیب 600 اور514 روپے بڑھ گئی ہیں جس کے نتیجے میں کراچی ، لاہوراوراسلام آباد سمیت ملک بھر کی صرافہ مارکیٹوں میں سونے کی فی تولہ قیمت 59 ہزار800 اور10 گرام سونے کی قیمت 51 ہزار268 روپے ہوگئی ہے تاہم چاندی کی فی تولہ قیمت 765 اور10 گرام چاندی کی قیمت 655.86 روپے پر برقرار رہی۔