عمر کوٹ، جیپ سے جعلی بیلٹ پیپرز برآمد، ملزمان گرفتار

عمر کوٹ: صوبہ سندھ کے ضلع عمر کوٹ میں رینجرز اہلکاروں کی جانب سے تلاشی کے دوران جیپ سے جعلی بیلٹ پیپرز برآمد ہوئے ہیں۔ بیلٹ پیپر لے جانے والے 5 ملزمان کو گرفتار کرلیا۔

پولیس کے مطابق عمر کوٹ کے علاقے پاکستان چوک کے قریب رینجرز اہلکار معمول کی تلاشی کے لئے جیپ کو روکا۔ تلاشی کے دوران اس میں سے جعلی بیلٹ پیپرز برآمد ہوئے۔ بیلٹ پیپرز حلقہ پی ایس 52 کے گاؤں بوڑھہ باھ لے جانےکی کوشش کی جارہی تھی۔
پولیس نے جعلی بیلٹ پیپر لے جانے والے 5ملزمان کو گرفتار کرلیا جن کا تعلق گاؤں بوڑھہ باھ سے ہے۔ پولیس نے بتایا ہے کہ گرفتار پانچوں ملزمان میں انور سومرو، حاکم، اقبال، کھنگھار اور نواب شامل ہیں جن سے تفتیش کی جا رہی ہے۔