چوبیس قیراط سونے سے تیار کردہ سائیکل منظر عام پر آگئی

 

لندن :سائیکل کو یوں تو سستی ترین سواری تصور کیا جاتا ہے لیکن یہ سائیکل دیکھتے ہوئے تو اس سوچ پر نظر ثانی کرنے پڑے گی جس کی قیمت کسی کے بھی ہوش اڑا دینے کے لئے کافی ہے۔لندن کی ایک کمپنی نے چوبیس قیراط سونے سے تیار کردہ سائیکل پیش کر دی گئی ہے جس کی قیمت327,970 ڈالر رکھی گئی ہے۔

دنیا میں اپنی طرز کی واحد اس سائیکل کو تیار کرنے میں کئی دن لگے اورکمپنی کے مطابق اس سنہری سائیکل کا مکمل فریم سونے کے پانی سے ڈھکاہوا ہے ۔صرف یہی نہیں اسے سائیکل کو تیار کرنیوالی لندن کی کمپنی کی ریٹیل شاپ بھی خاصی اہمیت کی حامل ہے۔

جہاں اس دلکش گولڈ پلیٹیڈ سائیکل سمیت، سونے کے فریم کے سن گلاسسز، سونے کا ٹینس ریکٹ، سنہری گلاب کا پھول،سنہرے جوتے اور گولڈ پلیٹیڈ سیل فون سمیت کئی ایسی منفرد اشیا ء موجود ہیں جو نہایت بیش قیمتی ہونے کے لئے ساتھ ساتھ انفرادییت کی بھی حامل ہیں جہاں شاہانہ طرزِ زندگی کے خواہشمند افراد آتے اور خریداری کرتے دکھائی دیتے ہیں۔