دہشت گردی کے خلاف کامیابیوں کو مزید تقویت دی جائے، آرمی چیف

راولپنڈی : پاک فوج کے سربراہ جنرل قمر جاید باجوہ کی زیر صدارت کور کمانڈر کانفرنس میں کور کمانڈرز نے انتخابی عمل میں شرکت اورمسلح افواج کی سپورٹ پرپاکستان کی بہادرعوام کاشکریہ اداکیا گیا، آرمی چیف نے ہدایت کی کہ دہشت گردی کے خلاف کامیابیوں کو مزید تقویت دی جائے.
پاک فوج کےشعبہ تعلقات عامہ (آئی ایس پی آر) کے مطابق آرمی چیف جنرل قمرجاویدباجوہ کی سربراہی میں کورکمانڈرزکانفرنس ہوئی ،جس دوران ملک کی اندرونی اور خطے کی سیکیورٹی صورتحال پرتبادلہ خیال کیا گیا ۔

CCC at GHQ. Reviewed geo-strat environment, regional peace & internal security situation of the country. COAS directed commanders to continue consolidating gains of efforts against terrorism and militancy. Satisfaction on progress of military level engagements with Afghanistan. pic.twitter.com/OoD5BbTkSy

— DG ISPR (@OfficialDGISPR) August 1, 2018

آئی ایس پی آر کے مطابق سربراہ پاک فوج نے عسکری قیادت کو ہدایات دیں کہ دہشت گردی کے خلاف کامیابیوں کو مزید تقویت دی جائے، اجلاس میں علاقائی امن بالخصوص ’’پاک افغان ایکشن پلان برائے امن و سلامتی‘‘ کے لئے افغانستان کے ساتھ فوجی تعلات کے فروغ پر اطمینان کا اظہار کیا۔
آئی ایس پی آر کے مطابق اجلاس میں الیکشن کمیشن کی مدد پر آرمی الیکشن سپورٹ سینٹر اور فیلڈ فارمیشنز کو سراہا جب کہ انتخابی عمل کے دوران شہید و زخمی ہونے والوں کو خراج تحسین پیش کیا گیا، کانفرنس کے شرکاء نے الیکشن کے قومی فریضے کی انجام دہی اور مسلح افواج کے ساتھ تعاون پر عوام کا شکریہ ادا کیا