افغانستان میں امریکی ڈرون حملہ میں 6 طالبان ہلاک

کابل:افغان صوبے کپیسا میں امریکی ڈرون حملے میں طالبان کمانڈر سمیت6 شدت پسند ہلاک ہوگئےہیں۔
افغان فوج کے مطابق امریکی ڈرون حملہ ضلع نجراب میں ایک گاڑی پر کیا گیا، حملے میں گاڑی میں سوار طالبان کے ریڈ یونٹ کا کمانڈر اور اس کے 5سیکورٹی گارڈز مارے گئے۔
افغان حکام نے مزید بتایا کہ حملے میں گاڑی بھی تباہ ہوگئی تاہم کسی شہری کا جانی نقصان نہیں ہواہے۔