سندھ کےضلع سانگھڑ میں گیس و تیل کا ذخیرہ دریافت کرلیا گیا

سانگھڑ:سندھ کےضلع سانگھڑ کے قریب گیس کاایک ذخیرہ دریافت ہو گیاجبکہ کنویں سے تیل بھی برآمد ہوگا ۔
تیل و گیس انڈسٹری ذرائع کے مطابق سانگھر کے قریب ایک اور تیل و گیس کا ذخیرہ دریافت ہوا جس کی کامیابی کا اعلان چند دن میں متوقع ہے۔ذرائع کے مطابق یہ ایک نیا ذخیرہ ہے جس کے قریب کوئی مزید کنواں موجود نہیں ہے۔
ذرائع نےمزید بتایا کہ ابتدائی اندازے کے مطابق کنویں سے 20 ملین مکعب فٹ گیس اور 150 بیرل یومیہ تیل نکلنےکا امکان ہے۔