امریکا میں چور لاکھوں ڈالر زمالیت کے نوڈلز لے اڑے

نوڈلز کی چوری۔جی ہاں آپ نے ٹھیک پڑھا۔نوڈلز کی چوری اور وہ بھی کوئی عام نہیں بلکہ لاکھوں ڈالرز کے نوڈلز کی چوری۔
امریکی کی ریا ست جیورجیا میں چوری کی ایک عجیب واردات پیش آئی ہے جہاں چور لاکھوں ڈالر زمالیت کے نوڈلز لے آڑے۔

امریکی میڈیا کے مطابق جیورجیا کے ہائی وے پر واقع چیورون نامی اسٹور کی پارکنگ میں کھڑے ٹرک سے نامعلوم افراد اعلیٰ کوالٹی کے نوڈلز چوری کر کے لے گئے۔
اسٹور مالک کے مطابق ’نوڈلز‘ کی مالیت 1 لاکھ امریکی ڈالر تھی۔
جیورجیا حکام نے واقعے کی تصدیق کرتے ہوئے بتایا کہ نامعلوم موٹر سائیکل سوار پارکنگ میں کھڑے ٹرک کے قریب آئے اور وہ واردات کے بعد بھاگ گئے، مذکورہ افراد کی تلاش اور واردات کی تفتیش کا آغاز کردیا گیا۔
پولیس حکام کے مطابق واردات ایک روز میں نہیں ہوئی بلکہ اس کام میں پانچ روز لگے، اب تک حاصل ہونے والے شواہد سے معلوم ہوتا ہے کہ مال کی چوری 25 جولائی سے یکم اگست تک کی گئی۔
حکام کے مطابق اسٹور کے مالک کو مال چوری ہونے کا علم اُس وقت ہوا کہ جب انہوں نے کئی دنوں کے بعد اسٹور کھولا اور مال نکالنے کے لیے ٹرک کا دروازہ کھولا تو اس میں سارا سامنا بکھرا ہوا پڑا تھا۔
مذکورہ واقعے کی خبرٹی وی پر نشر ہونے کے بعد لوگوں نے بھی سوشل میڈیا پر دلچسپ تبصرے کرنا شروع کردیے۔