آرمی چیف جنرل باجوہ کی روضہ رسول ﷺ پرحاضری

مدینہ منورہ: پاک فوج کے سربراہ جنرل قمرجاوید باجوہ حج کی سعادت حاصل کرنےکے بعد مدینہ منورہ پہنچ گئے،آرمی چیف نے روضہ رسولﷺپرحاضری دی اور ریاض الجنہ کے سامنےنوافل ادا کئے۔ نجی ٹی وی کے مطابق آرمی چیف جنرل قمرجاوید باجوہ نے اپنے اہل خانہ کے ہمراہ حج بیت اللہ کی سعادت کے بعد مدینہ منورہ میں روضہ رسولﷺپرحاضری دی ہے، انھوں نے مسجد نبویﷺ میں ریاض الجنہ کے احاطے میں نوافل بھی ادا کئے اور پاکستان کی ترقی وخوشحالی کے لئے دعائیں کیں۔

اس سے قبل آرمی چیف نے مناسک حج کی ادائیگی کے دوران پاکستان،امن واستحکام اورشہدا کے لئے خصوصی دعائیں کیں جبکہ سعودی فرمانروا شاہ سلیمان بن عبد العزیز نے پاکستانی فوج کے سربراہ کے اعزاز میں منیٰ میں‌عشائیہ بھی دیا تھا۔ اس عشائیہ میں سعودی ولی عہد محمد بن سلیمان اور دنیا بھر سے آئی ہوئی اہم شخصیات بھی موجود تھیں ۔سعودی ولی عہد محمد بن سلیمان نے اس موقع پر پاک فوج کے سربراہ سے ملاقات کرتے ہوئے آرمی چیف جنرل قمر جاوید باوجوہ کو حج بیت اللہ کی سعادت حاصل کرنے پر مبارک باد دیتے ہوئے باہمی دلچسپی اور علاقائی سیکورٹی کے امور پر تبادلہ خیال کیا تھا۔