کلدیپ نائر اعلیٰ صحافتی روایات کے درخشندہ ستارے تھے: فواد چوہدری

اسلام آباد:وفاقی وزیر اطلاعات و نشریات فواد چوہدری نے ہندوستان کے ممتاز صحافی اور دانشور کلدیپ نیر کے انتقال پر اظہار رنج و غم اور افسوس کرتے ہوئے کہا ہے کہ انہوں نے اپنا قلم نفرتیں مٹانے اور خطے کے عوام کو ایک دوسرے کے قریب لانے کے لیے استعمال کیا۔

تفصیلات کے مطابق وفاقی وزیر اطلاعات فواد چوہدری نے معروف بھارتی صحافی کلدیپ نائر کے انتقال پر گہرے دکھ اور افسوس کا اظہار کرتے ہوئے کہا ہے کہ کلدیپ نائر اعلیٰ صحافتی روایات کے درخشندہ ستارے تھے ،انہوں نے اپنا قلم نفرتیں مٹانے اور خطے کے عوام کو ایک دوسرے کے قریب لانے کے لیے استعمال کیا ۔