تربت میں گیس سلنڈر دھماکا: 12 بچوں سمیت 24 افراد زخمی

تربت :  بلوچستان کے جنوبی شہر تربت میں گیس سلنڈر کے دھماکے سے 12 بچوں سمیت 24 افراد زخمی ہو گئے،اطلاعات کےمطابق دھماکے کے نتیجے میں دکان کو شدید نقصان پہنچا جب کہ اسکول کے بچوں سمیت 24 افراد زخمی ہوئے۔
نجی ٹی وی کے مطابق دھماکے میں زخمی ہونے والوں میں سے 4 معمولی زخمیوں کو ابتدائی طبی امداد دیکر گھر بھیج دیا گیا جب کہ 13 زخمیوں کو علاج کے لیے کراچی منتقل کر دیا گیا۔
کمشنر مکران کا اس حوالے سے کہنا ہے تمام زخمیوں کو علاج و معالجے کے لیے کراچی منتقل کیا جائے گا۔