کراچی۔رہائشی علاقوں میں قائم تعلیمی اداروں کو کنٹونمنٹ بورڈ کے نوٹسز جاری

کراچی: کنٹونمنٹ بورڈ نے کراچی کے رہائشی علاقوں پر قائم تعلیمی اداروں کو نوٹسز جاری کر دیے ہیں۔
نوٹس میں کہا گیا ہے کہ رہائشی علاقوں پر قائم تعلیمی اداروں کو ختم کیا جائے،نوٹس میں یہ بھی کہا گیا کہ رہائشی علاقوں پر قائم تعلیمی اداروں کوعدالتی حکم پر ہٹایا جا رہا ہے، تعلیمی اداروں کو 2021 تک کہیں اور منتقل کیا جائے۔
کنٹونمنٹ بورڈ کی جانب سے جاری نوٹس میں مزید کہا گیا کہ رہائشی علاقوں میں تعلیمی اداروں کا قیام غیر قانونی ہے۔