دنیا کچرے سے بجلی بناتی ہے، عمران خان نے کا بینہ بنا رکھی ہے، شہلا رضا

حیدرآباد: پیپلز پارٹی کی سینئررہنما شہلا رضا نے کہاہے کہ عمران خان کی کیبنٹ میں چاہے فواد چوہدری ہوں، شیخ رشید ہوں یا فیاض الحسن ان سب کی تربیت عوام کے سامنے ہے۔

انہوں نے کہا کہ دنیا کچرے سے بجلی بناتی ہے عمران خان نے کچرے سے کابینہ بنا رکھی ہے ۔

شہلا رضا نے حیدرآباد میں وومن ڈویلپمنٹ آفس کے دورے پر میڈیا سے بات چیت کرنے ہوئے کہا کہ فواد چوہدری کو جے آئی ٹی اورای سی ایل سے متعلق اپنے بیان سے پیچھے ہٹنا پڑے گا۔

شہلا رضا نے کہا کہ فوادچوہدری کو جواب دینا ہوگا، عوام چھوڑنے والی نہیں، زرداری کو ساڑھے 11 سال جیل میں رکھ کر ان کے کیس سے کیا نکالا؟

شہلا رضا نے مزید کہا کہ فیصل واوڈا کو تربیت کی ضرورت ہے،  انہیں 1 ماہ کی تربیت دینی چاہیے۔