کراچی میں 2پولیس مقابلے ،تین زخمیوں سمیت 6ملزمان گرفتار

کراچی کی شارع فیصل پرپولیس نے مقابلے کے بعد 3ملزمان کو جبکہ گلشن اقبال میں پولیس نے مقابلے کے بعد تین ملزمان کو زخمی حالت میں گرفتارکرلیا۔

نجی ٹی وی چینلز کے مطابق ایس ایس پی ایسٹ کاکہنا تھا کہ کراچی کی شارع فیصل پرپولیس نے مقابلے کے بعد 3ملزمان کو گرفتار کرلیا،گرفتار ملزمان جرائم کی متعددوارداتوں میں ملوث ہیں اورانہوں نے ڈکیتی مزاحمت پرکئی افراد کو زخمی اور ہلاک کرنے کا اعتراف کرلیاہے

ایس ایس پی کے مطابق گرفتار ملزمان سےاسلحہ،نقدی اورمسروقہ سامان برآمدکرکے ان کیخلاف مقدمہ درج کیا گیا ہے جبکہ ان سے تفتیش بھی شروع کردی گئی ہے

ایس ایس پی غلام مہیسرنے بتایا کہ ملزمان کوسی سی ٹی وی وڈیوکی مددسےگرفتارکیاگیاہے۔

دوسری جانب گلشن اقبال بلاک16اےمیں پولیس نے مقابلے کے بعد 3 ملزمان کو زخمی حالت میں گرفتارکرلیا،پولیس کے مطابق گرفتار ملزمان سےاسلحہ،چھینےگئےموبائل فون اورنقدی برآمدہوئی ہے۔

گرفتارملزمان اسٹریٹ کرائم اورشارٹ ٹرم اغواکے متعدد کیسز میں ملوث اورکافی عرصہ سے مطلوب ہیں۔