گٹکے اورچھالیہ سے بھری گاڑی پکڑی گئی ۔3ملزمان گرفتار

کراچی پولیس نے سائٹ سپرہائی وے صنعتی ایریامیں خفیہ اطلاع پر کارروائی کرتے ہوئے تین ملزمان کو گرفتار کر کے ان کے قبضے سے کثیر مقدار میں گٹکے اور چھالیہ برآمد کرلی۔

نجی ٹی وی چینل کے مطابق کراچی پولیس نے نیشنل ہائی وے کے قریب سائٹ سپرہائی وے صنعتی ایریامیں خفیہ اطلاع پر کارروائی کرتے ہوئے گٹکے اور چھالیہ سے بھری ہوئی گاڑی پکڑلی ۔

پولیس نے گاڑی میں موجود تینوں افراد کو گرفتارکرکے تھا نے منتقل کردیا جبکہ گاڑی بھی تحویل میں لے لی،پولیس نے ملزمان کیخلاف منشیات ایکٹ کے تحت مقدمہ درج کرکے تفتیش شروع کردی ہے۔