وزیراعظم کے مشیر نعیم الحق کی چوہدری شجاعت سے ملاقات

وزیر اعظم کے مشیر نعیم الحق نے چودھری شجاعت شجاعت اور مونس الٰہی سے ملاقات کی جس میں حکومت نے معاملات کو اتفاق رائے سے آگے بڑھانے کا فیصلہ کیا ہے۔

وزیراعظم کے مشیر نعیم الحق نے مسلم لیگ (ق)کے صدر چودھری شجاعت اور مونس الٰہی سے ملاقات کی،ملاقات میں چودھری سالک،کامل علی آغااورباؤ رضوان بھی شریک ہوئے۔

ملاقات میں پنجاب کے بعد مرکز میں شراکت اقتدار پر بات چیت ہوئی،حکومت نے معاملات کو اتفاق رائے سے آگے بڑھانے کا فیصلہ کیا ہے۔

ملاقات میں اتفاق کیا گیا کہ پنجاب کے بعد مرکز میں شراکت اقتدار کے معاہدے پر عملدرآمد ہوگا،وزیراعظم کے مشیر نعیم الحق نے یقین دہانی کرائی کہ مرکز میں مسلم لیگ(ق)سے کئے گئے وعدے پورے ہوں گے۔