کراچی میں پولیس مقابلہ۔ایک ڈاکو ہلاک۔بچی جاں بحق

نارتھ کراچی کے علاقے انڈا موڑ کے قریب مبینہ پولیس مقابلے میں ایک ڈاکو ہلاک ہو گیا جبکہ فائرنگ کی زد میں آکر ایک بچی جاں بحق ہو گئی،ایک ڈاکو زخمی بھی ہوا۔

پولیس کے مطابق مقابلے میں دونوں ڈاکو زخمی ہوئے تھے جنہیں جناح اسپتال منتقل کیاگیا جن میں سے ایک ڈاکو دم توڑ گیا،دوسرا اسپتال میں زیرعلاج ہے۔

جناح اسپتال کی انچارج ڈاکٹر سیمی جمالی نے بتایا کہ بچی فائرنگ کی زد میں آکر جاں بحق ہوئی۔

پولیس کے مطابق دونوں ملزمان اسٹریٹ کرائمزکی وارداتوں میں ملوث ہیں جن کے خلاف مزید تحقیقات کی جا رہی ہیں۔