مشرف کیس کا تفصیلہ آتے ہی اسٹاک مارکیٹ زمین بوس ہو گئی

پرویزمشرف کیخلاف آئین توڑنے کے کیس کا فیصلہ آتے ہی اسٹاک مارکیٹ زمین بوس ہو گئی،پاکستان اسٹاک ایکسچینج میں بدترین مندی دیکھی گئی اور100 انڈیکس میں 1135 پوائنٹس کی کمی آگئی۔

سابق صدر پرویز مشرف کی سزائے موت کا تفصیلی فیصلہ جاری ہوجانے کے بعد اسٹاک مارکیٹ میں ہلچل مچ گئی اورانڈیکس 835 پوائنٹس اچانک گر گیا جس کے باعث سرمایہ کاروں کے اربوں روپے ڈوب گئے ہیں۔

واضع رہے کہ خصوصی عدالت نے پرویز مشرف کے خلاف سنگین غداری کیس کا تفصیلی فیصلہ جاری کر دیاہے جس میں سزائے موت کا حکم دیا گیاہے جبکہ جسٹس سیٹھ وقارنے فیصلے میں لکھا کہ اگر مشرف فوت ہو جاتے ہیں توان کی لاش کو ڈی چوک لایا جائے اورتین روز تک لٹکایا جائے۔