نائیجیریا میں بم دھماکا۔30 افراد ہلاک،35 زخمی

نائیجیریا اورکیمرون کی سرحد پرواقع ایک بازار میں بم دھماکہ ہوا جس میں حکام کے مطابق 30 افراد ہلاک اور35 کے قریب زخمی ہوگئے ۔

اطلاعات کے مطابق دھماکا ایک پُل پرلگے بازار میں ہوا جو نائیجیریا کے قصبےگیمبورو اور کیمرون کے قصبے فوٹوکول کے درمیان واقع ہے۔ حکام کا کہنا ہے کہ زخمیوں میں نائیجیریا اور کیمرون دونوں ملکوں کے افراد شامل ہیں جنہیں مقامی ہسپتال میں داخل کیا گيا ہے۔

یہ بم دھماکا پیر چھ جنوری کو مقامی وقت کے مطابق شام پانچ بجے کے قریب ہوا۔ابھی اس حملے کی ذمے داری کسی بھی گروپ نے قبول نہیں کی تاہم علاقے میں سرگرم چند شدت پسند تنظیمیں کیمرون کو 2014ء سے اب تک کئی بار نشانہ بنا چکی ہیں۔