مسافر وین میں آتشزدگی سے11مسافر جھلس کر جاں بحق

بھیرہ کے قریب موٹروے پروین میں آتشزدگی سے11 مسافر جھلس کر جاں بحق اور6 زخمی ہوگئے, زخمیوں کو ہسپتال منتقل کردیا گیا ہے۔

میڈیارپورٹس کے مطابق وین لاہور سے اسلام آبادجا رہی تھی کہ سائن بورڈ سے ٹکرانے کے بعد وین میں آگ بھڑک اٹھی ،آتشزدگی واقعے میں جھلس کر11 افرادجاں بحق ہو گئےجن میں8 مرد اور3خواتین شامل ہیں،حادثے کی اطلاع ملتے ہی ریسکیو ٹیمیں جائے حادثہ پر پہنچ گئیں۔

میڈیا رپورٹس کے مطابق وین میں 18افراد سوار تھے،آتشزدگی واقعے میں6 افراد زخمی ہو گئے ،جن کو طبی امداد کیلیے ہسپتال منتقل کردیاگیا ہے۔9 افراد کی میتیں تحصیل ہیڈکوارٹر ہسپتال بھیرہ میں پہنچائی جا چکی ہیں۔