شورکوٹ کے قریب پاک فضائیہ کا طیارہ گر کر تباہ

پاک فضائیہ کا طیارہ پنجاب کے شہر شورکوٹ کے قریب گرکرتباہ ہو گیا،پائلٹ حادثے میں محفوظ رہا۔

ترجمان پاک فضائیہ کے مطابق میراج طیارہ معمول کی تربیتی پروازپرتھا کہ اچانک شورکوٹ شہر کے قریب گر کر تباہ ہو گیا۔ پائلٹ جہاز سے بحفاظت نکلنے اورزمین پراترنے میں کامیاب ہوگیا۔

ترجمان پاک فضائیہ واقعے میں زمین پرکسی قسم کے جانی و مالی نقصان کی کوئی اطلاع نہیں ملی۔ واقعے کی وجوہات جاننے کے لیے ائیر ہیڈ کوارٹرز نے ایک اعلیٰ سطح بورڈ تشکیل دے دیا ہے۔