پاک فضائیہ کا تربیتی طیارہ گرکر تباہ

خیبرپختونخوا کے دارالحکومت پشاور سے تقریبا اسی کلومیٹردورمردان کے علاقہ تخت بھائی میں پاک فضائیہ کا تربیتی طیارہ معمول کے مشن کے دوران گرکر تباہ ہوگیاہے۔

نجی ٹی وی نے پاک فضائیہ کے ترجمان کے حوالے سے بتایا ہے کہ مردان کے علاقہ تخت بھائی میں پاک فضائیہ کا تربیتی طیارہ معمول کے مشن پرتھا لیکن فنی خرابی کے باعث گرکرتباہ ہوگیا۔ ترجمان کے مطابق خوش قسمتی سے پائلٹ محفوظ رہا اورکامیابی سے  جہاز سے باہرنکل گیا۔

پاک فضائیہ کے ترجمان کے مطابق حادثے کی تحقیقات کیلئے انکوائری بورڈ تشکیل دے دیا گیاہے جو حادثے کی وجوہات کا تعین کرے گا۔ترجمان کے مطابق طیارہ جس جگہ گرا وہاں پر بھی کوئی نقصان نہیں ہوا ہے۔