حکومت کا اٹارنی جنرل کےعدالت میں دیے گئے بیان سے اظہار لاتعلقی

وزارت قانون نے اٹارنی جنرل کے عدالت میں دیے گئے بیان سے لاتعلقی کا اظہارکردیا۔ وزارت قانون نے جواب سپریم کورٹ میں جمع کرا دیا۔

سپریم کورٹ میں جمع کرائے جانے والے جواب میں کہا گیا کہ اٹارنی جنرل نے جو بیان دیا اس کی اجازت حکومت سے نہیں لی گئی، وفاقی حکومت عدلیہ کا بہت احترم کرتی ہے۔

فروغ نسیم نے کہا کہ حکومت کی طرف سے ایک جواب سپریم کورٹ میں جمع کرایا گیا، انور منصور نے بغیر اجازت سپریم کورٹ میں بیان دیا، انور منصور سے کہا گیا خود استعفیٰ دے دیں تو اچھا ہے۔

واضع رہے کہ اٹارنی جنرل انور منصوراپنے عہدے سے مستعفی ہو گئے،انہوں نے اپنا استعفی صدر مملکت عارف علوی کو بھجوا دیا۔

استعفے کے متن میں کہا گیا کہ پاکستان بار کونسل نے تعیناتی پر سوال اٹھائے تھے، پاکستان بار کونسل نے استعفے کا مطالبہ کیا تھا، سپریم کورٹ، سندھ اورکراچی بار کا تاحیات رکن ہوں، اس صورتحال کی روشنی میں عہدے سے مستعفیٰ ہو رہا ہوں۔