جرمنی۔ایک شخص نے کار ہجوم پر چڑھادی۔30 افراد زخمی

جرمنی کے صوبے ہیسے میں کارنیوال پریڈ کے دوران ایک شخص نے کار ہجوم پر چڑھادی جس کے نتیجے میں 30 افراد زخمی ہوگئے۔

جرمنی کے صوبے ہیسے کے علاقے فولکمارزن میں ہجوم پرکارچڑھانے کا واقعہ پیش آیاجس کے نتیجے میں بچوں سمیت 30افرادزخمی ہوگئے جبکہ پولیس نے مشتبہ شخص کو گرفتارکرلیا۔

پولیس کا کہنا ہے کہ 29 سالہ کار ڈرائیور جرمن شہری ہے جس سے تفتیش کی جارہی ہے اوراسے عدالت میں پیش کیاجائے گا، ہجوم پرکارچڑھانے کی وجہ ابھی سامنے نہیں آئی۔واقعے کے بعد صوبے ہیسے میں تمام کارینوال کی تقریبات منسوخ کردی گئی ہیں۔