پاکستان ویمنز ٹیم ٹی ٹوئنٹی ورلڈ کپ میں کل سے آغازکریگی

انٹرنیشنل کرکٹ کونسل کے زیرِاہتمام کھیلے جانے والے ویمنز ٹی ٹوئنٹی ورلڈ کپ میں پاکستان ویمن ٹیم اپنے سفرکا آغازکل سے کرے گی۔

آئی سی سی ویمنز ٹی ٹوئنٹی ورلڈ کپ کے سلسلے میں پاکستان ویمنز ٹیم کل کینبرا میں ویسٹ انڈیز کا مقابلہ کرے گی جبکہ میچ پاکستانی وقت کے مطابق دوپہر ایک بجے شروع ہوگا۔

آئی سی سی ویمنزٹی ٹوئنٹی ورلڈ کپ میں ‏ پاکستان ٹیم ویسٹ انڈیز، انگلینڈ جنوبی افریقا اورتھائی لینڈ کے ساتھ گروپ بی میں شامل ہے ۔

پاکستان ویمن ٹیم 28 فروری کو انگلینڈ کے خلاف اپنا دوسرا میچ کھیلے گی جبکہ ایونٹ کا فائنل 8 مارچ کو کھیلا جائے گا۔