دو تنظیموں کے درمیان جھگڑا۔ 4 طلبا،6 گارڈز زخمی

پنجاب یونیورسٹی میں دو طلبا تنظیموں کے درمیان جھگڑے میں کئی طالب علم اورگارڈززخمی ہو گئے ہیں ۔

تفصیلات کے مطابق یونیورسٹی ذرائع کے مطابق جھگڑا یونیورسٹی کے شعبہ جینڈراسٹڈیزمیں ہوا تاہم تصادم کی وجہ کا تاحال معلوم نہیں ہو سکی۔

ذرائع کا بتانا ہے کہ جھگڑے میں 4 طلبا اور یونیورسٹی کے 6 گارڈز زخمی ہوئے جنھیں طبی امداد کے لیے اسپتال منتقل کر دیا گیا ہے۔

طلبا تنظیموں میں جھگڑے کے بعد پولیس کی بھاری نفری یونیورسٹی پہنچ گئی جب کہ ترجمان پنجاب یونیورسٹی کا کہنا ہے کہ حالات اب کنٹرول میں ہیں۔

طلبا نے دھرنا دے کر سڑک بلاک کر دی، ٹریفک کا نظام درہم برہم ہوگیا۔ترجمان پنجاب یونیورسٹی کا کہنا ہے کہ جامعہ میں حالات اب کنٹرول میں ہیں۔