لاہورکی جیل میں قیدی میں کرونا وائرس کی تشخیص ہو گئی

لاہورکی کیمپ جیل میں اٹلی پلٹ قیدی میں کرونا وائرس کی تشخیص ہو گئی ہے اورٹیسٹ بھی مثبت آ گیاہے۔

تفصیلات کے مطابق منشیات کیس کا ملزم عابد گزشتہ ماہ ہی اٹلی سے واپس آیا تھا جسے رواں ماہ کے پہلے ہفتے میں جیل منتقل کیا گیا تھا،ملزم نے بخارکی شکایت کی تھی جس پراس کا احتیاطی تدابیراختیار کرتے ہوئے کرونا کا ٹیسٹ کیا گیا جو مثبت آ گیاہے۔

جیل حکام کا مزید کہنا تھا کہ منشیات کے قیدی عابد نے18 مارچ کو بخارکی شکایت کی تھی،جیل حکام 21 مارچ کو قیدی عابد کا ٹیسٹ کروا کرجیل ہسپتال میں رکھا گیا تھا، گزشتہ رات قیدی عابد کے ٹیسٹ رپورٹ میں کرونا کی تصدیق ہوئی۔

جیل حکام کا کہنا تھا کہ کرونا کے شکار قیدی عابد کو ہسپتال منتقل کردیا گیا، قیدی عابد گزشتہ ماہ اٹلی سے واپس آیا اور منشیات کیس میں پکڑا گیا تھا۔

واضح رہے کہ چین کے صوبے ووہان سے جنم لینے والی خطرناک بیماری کرونا وائرس دنیا کے 168 ممالک میں پھیل چکی ہے، دنیا بھرمیں اب تک اس وائرس کے تین لاکھ سے زائد کے کیسز پورٹ ہو چکے ہیں جبکہ ہلاکتوں کی تعداد 16 ہزار سے تجاوزکرگئی ہے۔