شب برات 8 اپریل کو ہوگی

مرکزی رویت ہلال کمیٹی کے چیئرمین مفتی منیب الرحمن نے ملک میں شعبان المعظم 1441ہجری کا چاند نظر آنے کا اعلان کردیا۔

نجی ٹی وی کے مطابق شعبان کا چاند دیکھنے کے لیے مرکزی رویت ہلال کمیٹی کا اجلاس کراچی میں مفتی منیب الرحمن کی زیرصدارت ہوا جس میں مختلف مکاتب فکر کے علمائے کرائے، محکمہ موسمیات اور اسپارکوں کے نمائندوں نے بھی شرکت کی۔

ملک بھر میں چاند دیکھنے کے لیے زونل کمیٹیوں کے اجلاس ان کے متعلقہ مقامات پر ہوئے جس میں چاند نظرآنے سے متعلق شہادتیں اکٹھی کی گئیں جن سے مرکزی کمیٹی کو آگاہ کیا گیا۔

ملک بھر سے چاند نظرآنے کی شہادتیں موصول ہونے اوران کی تصدیق کے بعد مرکزی رویت ہلال کمیٹی کے چیرمین مفتی منیب الرحمن نے اعلان کیا کہ ملک میں 1441 ہجری شعبان المعظم کا چاند نظر آگیا ہے اورآج بروز جمعرات26 مارچ یکم شعبان جبکہ شب برات 8 اپریل کو ہوگی۔