Ummat News Latest Urdu News in Pakistan Politics Headlines Videos
کرونا وائرس کی وجہ سے متحدہ عرب امارات میں 10 ہزار پاکستانی بے روز گارہو گئے۔
غیر ملکی خبر رساں ایجنسی کے مطابق پاکستانی قونصل جنرل احمد امجد علی نے بتایا کہ 35 ہزار پاکستانیوں نے وطن واپسی کے لیے قونصل خانے سے رجوع کیا ہے۔
انہوں نے کہا کہ بے روزگار پاکستانیوں کی وطن واپسی کے لیے انتظامات کر رہے ہیں جبکہ دبئی حکام بھی پاکستانیوں کو وطن واپس بھیجنے کے لیے پاکستانی حکام سے رابطے میں ہیں۔
دبئی میں لاک ڈائون کے باوجود پاکستانیوں کی بڑی تعداد وطن واپسی کی غرض سے رجسٹریشن کرانے کے لیے پاکستانی قونصل خانے کے باہر جمع ہوئے۔
دنیا بھر میں کرونا وائرس کے اثرات معیشت پر بھی پڑھ رہے ہیں جس کی وجہ سے دنیا بھر میں ایک بڑی تعداد کے روزگار ہونے کا خدشہ ہے۔
واضح رہے کہ دنیا بھر میں کرونا وائرس کی وجہ سے اب تک 88 ہزار500 سے زیادہ ہلاکتیں ہو چکی ہیں جبکہ 15لاکھ 18 ہزار سے زائد افراد متاثر ہیں۔
