عید تین دن ہوتی ہے،عمران خان پیرکو بھی چھٹی کا اعلان کریں۔ مفتی منیب

کراچی میں پریس کانفرنس کرتے ہوئے مفتی منیب الرحمن نے کہا کہ مقبوضہ کشمیر میں لاک ڈاؤن کو ایک سال ہونے والا ہے اور کشمیر کے معاملے پر عالمی سطح پر بھارت کو واضح پیغام نہیں دیا گیا، حکومت نے قراردادیں پاس کرنے کے علاوہ کچھ نہیں کیا، انہوں نے کہا کہ عید تین دن ہوتی ہے اس لیے عمران خان پیرکو بھی چھٹی کا اعلان کریں۔

اند سے متعلق بات کرتے ہوئے مفتی منیب کا کہنا تھا کہ سائنس اورعلمامیں کوئی اختلاف نہیں، ہمیں سائنس کا پتہ ہے، جتنی سائنس آپ جانتے ہیں اتنی ہم بھی جانتے ہیں، محکمہ موسمیات کےماہرین ہمارے ساتھ ہیں اور سائنسدان ہمارے ساتھ ہیں ، ہماری کمیٹی میں شامل ہیں۔

چیئرمین مرکزی رویت ہلال کمیٹی نے کہا کہ جتنی ڈگریاں فواد چوہدری کے پاس ہیں، ہمارے پاس بھی ہیں، جنہوں نے فواد چوہدری کو کیلنڈر بنا کر دیا وہ ہماری کمیٹی کے ممبر ہیں، ہم 25 سال سے رویت ہلال کو چلارہے ہیں، فواد چوہدری کہاں سے سائنس دان آگئے؟۔