سیہون شریف اورنوری آباد میں حادثات۔8 افراد جاں بحق

سیہون شریف اورنوری آباد میں دو حادثات میں 8افراد جاں بحق ہوگئے جبکہ3 افراد زخمی ہوئے۔

انڈس ہائی وے پر دو کاروں میں آمنے سامنے تصادم سے 5 افراد جاں بحق اور3 زخمی ہوئے، جاں بحق افراد میں کراچی کے رہائشی عبدالغفور، غوث بخش، غلام مصطفی، سجاول کا رہائشی پولیس اہلکار احمد علی اورایک نامعلوم شخص بھی شامل ہے۔

دوسرا حادثہ نوری آباد کے قریب پیش آیا جس میں تیز رفتار کار نے موٹر سائیکل کو ٹکر مار دی جس کے نتیجے میں 3 سگے بھائی زندگی کی بازی ہار گئے، لاشیں ہسپتال منتقل کر دی گئیں۔