حکومت سندھ نے14 اگست کوعام تعطیل کا اعلان کردیا

حکومت سندھ نے14 اگست بروز جمعہ کو عام تعطیل کا اعلان کردیا ۔

سندھ سروسز ڈیپارٹمنٹ کی جانب سے جاری نوٹیفکیشن کے مطابق یوم آزادی کے موقع پر تمام سرکاری اداروں میں عام تعطیل ہوگی۔ حکومت سندھ نے کورونا وائرس کا پھیلاؤ کم کرنے کیلیے یوم آزادی کے موقع پراحتیاطی تدابیراپنانے کی ہدایت بھی کی ہے۔

ملک بھر میں 14 اگست بروز جمعے کو پاکستان کا73واں یوم آزادی منایا جائے گا۔پاکستان میں 14 اگست کے حوالے تیاریاں بھی عروج پر ہیں اور عوام میں کافی جوش وخروش پایا جا رہا ہے۔ بازاروں میں سبز جھنڈیوں کی بہار ہے اور لوگ اپنے گھروں کو بھی سجا رہے ہیں۔