درہ آدم خیل سے پنجاب اسلحہ اسمگل کرنے کی کوشش ناکام، 2ملزم گرفتار

پشاور: پولیس نے کارروائی کرتے ہوئے درہ آدم خیل سے سے پنجاب بھاری تعداد میں اسلحہ اسمگل کرنے کی کوشش ناکام بنادی۔
ذرائع کے مطابق پشاور پولیس کی اہم کارروائی کرتے ہوئے بھاری مقدار میں اسلحہ و ایمونیشن پنجاب اسمگل کرنے کی کوشش ناکام بنادی، پولیس نے دو ملزمان کو گرفتار کرکے بھاری تعداد میں اسلحہ برآمد کرلیا ہے۔
ایس پی صدر ڈویژن عبد السلام خالد کے مطابق کارروائی میں درہ آدم خیل سے تعلق رکھنے والے اسلحہ اسمگلر نعمان اور نوید کو گرفتار کیا گیا ہے، دونوں کار کے ذریعے درہ آدم خیل سے پنجاب اسلحہ اسمگل کرنے کی کوشش کر رہے تھے، تاہم پولیس نے بروقت کارروائی کرتے ہوئے ملزمان کے قبضے سے 27 عدد رائفل، 54 عدد میگزین، متعدد ایمونیشن اور 700 کارتوس برآمد کرلئے۔