روپے کے مقابلے میں ڈالر کی قدر ساڑھے 3ماہ کی کم ترین سطح پر آگئی

کراچی: ایک ہفتے کے دوران روپے کی قدر میں اضافے کے باعث انٹر مارکیٹ میں ڈالر ساڑھے 3 ماہ کی کم ترین سطح پر آگیا۔
ذرائع کے مطابق گزشتہ ایک ہفتے کے دوران بیرونی ادائیگیوں اور درآمدی ایل سیز کھلنے کے باوجود ڈالر کی قدر تنزلی سے دوچار رہی اور انٹربینک مارکیٹ میں ڈالر کی قدر ساڑھے 3 ماہ کی کم ترین سطح پر آگئی ہے۔
گزشتہ کاروباری ہفتے کے دوران اوپن مارکیٹ میں ڈالر کی قدر165 جبکہ انٹربینک میں 164روپے سے بھی نیچے آگئی۔ گزشتہ ہفتے انٹربینک میں ڈالر کی قدر67 پیسے گھٹ کر 163 روپے 83 پیسے جب کہ اوپن مارکیٹ میں 70 پیسے کی کمی 164.10 روپے پر بند ہوئی۔
09 اکتوبر کو ختم ہونے والے کاروباری ہفتے کے دوران انٹربینک میں برطانوی پاؤنڈ کی قدر 83 پیسے بڑھ کر 212.12 روپے جب کہ اوپن مارکیٹ میں 50 پیسے بڑھ کر 213 روپے ہوگئی۔