ایم کیوایم کا پارٹی قیادت پربغاوت کے مقدمات واپس لینے کامطالبہ

اسلام آباد: وفاقی کابینہ میں ایم کیو ایم پاکستان کے رہنماؤں پر بغاوت کے مقدمات واپس لینے کا معاملہ اٹھا دیا گیا۔
ذرائع کے مطابق ایم کیو ایم کے وزیر امین الحق نے وزیراعظم سے پارٹی رہنماؤں کے خلاف مقدمات واپس لینے کا مطالبہ کرتے ہوئے کہا کہ جولائی 2015 میں ایم کیو کی قیادت پر مقدمات قائم ہوئے۔
انہوں نے کہا کہ یوٹیوب پر سابق قائد کی تقریر دیکھ کر تالی بجانے پر بغاوت کا مقدمہ بنادیا گیا۔ وزیراعظم نے ایم کیو ایم کی درخواست پر غور کرنے کی یقین دہانی کروائی۔وزیراعظم نے وفاقی وزیر قانون کو معاملہ دیکھنے کی ہدایت کر دی۔