جوبائیڈن نے سب سے زیادہ ووٹ لے کرتاریخ رقم کردی

ڈیموکریٹ امیدوار جوبائیڈن امریکی تاریخ میں سب سے زیادہ ووٹ لینے والے صدارتی امیدوار بن گئے ہیں۔ رواں انتخابات میں لوگوں نے بڑی تعداد میں حق رائے دہی استعمال کیا جس کے بعد جوبائیڈن کا نیا ریکارڈ قائم ہوا ہے، انہوں نے سات کروڑ سے زائد ووٹ حاصل کرکے سابق امریکی صدر براک اوباما کو بھی پیچھے چھوڑدیا ۔

ڈیموکریٹ پارٹی کے صدارتی امیدوار جوبائیڈن نے کہاہے کہ ترقی کیلیے ضروری ہے مخالفین کو دشمن سمجھنا چھوڑ دیں ، ووٹ دینے یا نہ دینے والوں کیلیے یکساں انداز میں سخت محنت کروں گا۔

جوبائیڈن نے خطاب کرتے ہوئے کہاکہ کورونا کے باوجود امریکی تاریخ کے سب سے زیادہ ووٹ پڑے،واضح ہو گیا ہم جیت جائیں گے، تمام اشارے ڈیموکریٹس کے پاپولر ووٹوں میں اضافے کی طرف ہیں ،ان کا کہناتھا کہ طاقت چھینی یا مسلط نہیں کی جا سکتی ، میری جیت امریکی عوام کی جیت ہوگی، ووٹوں کی گنتی کے اختتام تک فتح کااعلان نہیں کروں گا۔