موسیٰ ویلفیئر ٹرسٹ کے چیئرمین موسیٰ خان انتقال کرگئے

کراچی۔موسیٰ ویلفیئر ٹرسٹ کے چیئرمین موسیٰ خان گذشتہ روز قضائے الہیٰ سے انتقال کرگئے،مرحوم کینسر کے عارضے میں مبتلا تھے۔

مرحوم کی نماز جنازہ میٹروول  میں ادا کی گئی بعد ازاں میت بذریعہ ہوائی جہاز اسلام آباد اورپھر براستہ سڑک شانگلہ پہنچائی گئی اورتدفین آبائی گائوں میں کردی گئی۔

مرحوم کی نماز جنازہ میں سماجی رہنما مومن خٹک، پی ایس پی کے ٹائون ممبرگل ظفر خان، مجاہد کالونی وارڈ یوسی 45.B کے جنرل سیکریٹری ارسلا خان،موسیٰ ویلفیئر ٹرسٹ کے صدرو میٹروول پی ٹی آئی کے صدر وصال خان،اے این پی کے سرزمین شاہ،پی ٹی آئی مجاہد کالونی کے محمد علی اورعلاقہ مکینوں اورعزیز واقارب نے بڑی تعداد میں شرکت کی۔

دریں اثنا پی ایس پی کے گل ظفرخان ،مومن خٹک اوروصال خان نے موسیٰ خان کے انتقال پرگہرے رنج وغم کا اظہارکرتے ہوئےکہا کہ ہم مرحوم کے اہل خانہ کے غنم میں برابرکے شریک ہیں۔