پاکستان میں سونا 700روپے تولہ سستا

کراچی: عالمی مارکیٹ میں سونے کی فی اونس قیمت میں 10 ڈالر جب کہ پاکستان میں فی تولہ سونے کی قیمت میں 700 روپے کی کمی ہوگئی۔
ذرائع کے مطابق بین الاقوامی بلین مارکیٹ میں فی اونس سونے کی قیمت 10 ڈالر کی کمی سے 1735 ڈالر کی سطح پر پہنچنے کے باعث مقامی صرافہ مارکیٹوں میں بھی پیر کو فی تولہ اور فی دس گرام سونے کی قیمتوں میں بالترتیب 700 روپے اور 601 روپے کی کمی واقع ہوئی۔
قیمتوں میں کمی کے نتیجے میں فی تولہ سونے کی قیمت گھٹ کر 1 لاکھ 7 ہزار 300 روپے اور دس گرام سونے کی قیمت گھٹ کر 91 ہزار 992 روپے ہوگئی۔
دوسری جانب فی تولہ چاندی کی قیمت بغیر کسی تبدیلی کے 1370 روپے اور فی دس گرام چاندی کی قیمت 1174روپے 55 پیسے پر مستحکم رہی۔