کچے میں آپریشن‘ناصرآفتاب کی جگہ مظہرنواز شیخ ڈی آئی جی لاڑکانہ تعینات

ڈی آئی جی لاڑکانہ ناصر آفتاب کو عہدے سے ہٹا دیا گیا۔مظہر نواز شیخ کو نیا ڈی آئی جی لاڑکانہ تعینات کردیا گیا۔
پولیس حکام کے مطابق شکارپور اور اطراف کے کچے میں آپریشن کے لئے ٹیم تبدیل کی جارہی ہے۔
پولیس کا کہنا ہے کہ شکارپور میں کچے کے علاقے میں بھرپور آپریشن کا فیصلہ کیا گیا ہے اور اسی سلسلے میں ایس ایس پی شکارپور امیر سعود مگسی کو بھی ہٹا دیا گیا ہے جبکہ تنویر تنیو ایس ایس پی شکارپور تعینات کیا گیا ہے۔
پولیس حکام کے مطابق امیر سعود مگسی کو ایس ایس پی شہید بے نظیر آباد تعینات کردیا گیا ہے جبکہ عرفان بلوچ کو ڈی آئی جی شہید بے نظیر آباد تعینات کیا گیا ہے۔