شکارپور،کچےکے علاقے میں ڈاکوؤں کیخلاف آپریشن میں تیزی

شکارپور کے کچےکےعلاقے میں ڈاکوؤں کےخلاف آپریشن میں تیزی آگئی ہے جس میں کراچی سے آئے 200 پولیس کمانڈوز سمیت 700 سے زائد اہلکار حصہ لے رہے ہیں۔
پولیس کے مطابق آپریشن کے دوران ڈاکوؤں کے متعدد ٹھکانےگرا کر آگ لگادی گئی، اب تک 13 مغویوں میں سے 9 کو بازیاب کرایا جاچکا ہے۔
کشمور اور سکھر میں بھی کچے کی حدود میں ڈاکوؤں کے خلاف آپریشن شروع کر دیا گیا ہے۔
ایس ایس پی شکار پور کے مطابق علاقے کو ڈاکوؤں سے کلیئر کرائے جانے تک آپریشن جاری رہےگا۔
آپریشن کے دوران 2پولیس اہلکار اور ایک فوٹوگرافر شہید اور 6 اہلکار زخمی ہو چکے ہیں۔