وزیراعظم کی سرکاری تقاریب میں اردو زبان استعمال کرنے کی ہدایت

اسلام آباد: وزیراعظم عمران خان نے سرکاری تقاریب میں قومی زبان اردو کے استعمال کی ہدایت جاری کردی ہے۔
وزیراعظم آفس کے مطابق وزیراعظم نے تمام وفاقی سیکریٹریز اور صوبائی چیف سیکریٹریز کو مراسلہ جاری کرتے ہوئے تمام سرکاری تقاریب میں اردو زبان استعمال کرنے کی ہدایت کردی۔
وزیراعظم نے مراسلے میں ہدایت کی ہے کہ وزیراعظم کے لیے منعقدہ تقاریب قومی زبان اردو میں مرتب کی جائیں۔