طالبان جنگجوؤں اورافغان شمالی اتحادکےدرمیان پنج شیرمیں جھڑپیں جاری

اس حوالے سے ترجمان طالبان ذبیح اللّٰہ مجاہد کا کہنا ہے کہ طالبان پنج شیر میں داخل ہوگئے ہیں اور کچھ علاقوں پر کنٹرول بھی حاصل کرلیا ہے۔طالبان ترجمان ذبیح اللّٰہ مجاہد کا کہنا ہے کہ مقامی مسلح گروہ سے مذاکرات ناکام ہونے پر آپریشن شروع کیا گیا ہے۔

جبکہ اس حوالےسے ترجمان شمالی مزاحمتی اتحاد کا کہنا ہے کہ پنج شیر کی تمام گزر گاہوں اور داخلی راستوں پر ہمارا کنٹرول ہے۔ترجمان شمالی اتحاد کا کہنا ہے کہ پنج شیر، ضلع شتل پر قبضے کی کوشش کرنے والوں کو پیچھےدھکیل دیا ہے۔

ترجمان شمالی اتحاد کا مزید کہنا تھاکہ جھڑپوں میں اب تک متعدد طالبان جنگجوؤں کو ہلاک کیا گیا ہے۔