ہری پورسےمانسہرہ آنےوالی کارکوحادثہ3خواتین سمیت5افرادجاں بحق

مانسہرہ میں کار الٹنے سے 3 خواتین سمیت 5 افراد جاں بحق اور 2 زخمی ہوگئے۔

اس حوالے سے پولیس کا کہنا تھا کہ ہری پور سے مانسہرہ آنے والی کار ہزارہ ایکسپریس وے پر قلندر آباد انٹرچینج کے قریب ٹائر پھٹنے سے الٹ گئی۔

پولیس کے مطابق حادثے میں 3 خواتین سمیت 5 افراد جاں بحق اور 2 زخمی ہوئے۔پولیس حکام کے مطابق لاشوں اور زخمیوں کو ڈسٹرکٹ ہیڈکوارٹر اسپتال منتقل کردیا گیا ہے ۔