نون لیگ نے سینیٹ و قومی اسمبلی میں پارلیمانی پارٹیوں کا اجلاس طلب کرلیا

اسلام آباد:ملکی سیاست میں ہلچل مچ گئی، سیاسی سرگرمیوں کا سلسلہ تیز ہونے لگا ، مسلم لیگ ن نے سینیٹ اور قومی اسمبلی میں پارلیمانی پارٹیوں کا اہم اجلاس طلب کرلیا۔

نجی ٹی وی کے مطابق مسلم لیگ ن کی ترجمان مریم اورنگزیب نے کہا کہ پارلیمانی پارٹی کا اجلاس آج دوپہر ڈھائی بجے پارلیمنٹ ہائوس میں ہوگا، اجلاس کی صدارت مسلم لیگ ن کے صدر شہباز شریف کریں گے ۔

مریم اورنگزیب نے کہا کہ اجلاس میں ارکان پارلیمانی اور پارٹی کے سینئر رہنما شریک ہونگے ، شہباز شریف پارلیمانی پارٹی اجلاس کے بعد پی ڈی ایم کے سربراہی اجلاس میں جائیں گے ۔