بجلی کی فی یونٹ قیمت میں ہوشربا اضافہ۔ صارفین نے سر پکڑ لیا

اسلام آباد:حکومت نے بجلی کی فی یونٹ قیمت میں ہوشربا اضافہ کرکے صارفین کے ہوش اڑا دیے۔

تفصیلات کے مطابق نیپرا نے بجلی کی فی یونٹ قیمت میں 2 روپے 51 پیسے اضافہ کرنے کی منظوری دیدی ، سی پی پی اے نے بجلی کی فی یونٹ قیمت دو روپے 66 پیسے بڑھانے کی درخواست کی تھی ۔

نیپرا نے ستمبر کی ماہانہ فیول ایڈجسٹمنٹ کی مد میں منظوری دی ہے ، صارفین کو آئندہ ماہ بلوں میں ادائیگی کرنا ہو گی ۔ اضافے کا اطلاق لائف لائن اورکے الیکٹرک کے صارفین پر نہیں ہو گا ۔