بلاول بھٹوکی ہدایت پرمہنگائی کےخلاف کراچی میں احتجاجی مظاہرےہوں گے

پاکستان پیپلزپارٹی کے چیئرمین بلاول بھٹو زرداری کی ہدایت پرآج 29اکتوبر بعد نمازِ جمعہ ملک بھر میں ہونے والی مہنگائی کے خلاف احتجاجی مظاہروں کے سلسلے میں کراچی کے چھ اضلاع میں الگ الگ مظاہرے ہوں گے۔

ڈسٹرکٹ ساؤتھ میں ہونے والا مظاہرہ ریگل چوک پر ہوگا جس کی قیادت شیری رحمان اور وقار مہدی کریں گے۔ڈسٹرکٹ ملیر میں ہونے والا مظاہرہ ملیر پریس کلب پر ہوگا جس کی قیادت سید قائم علی شاہ کریں گے۔

جبکہ ڈسٹرکٹ ایسٹ میں ہونے والا مظاہرہ الآصف اسکوائر پر ہوگا جس کی قیادت سلیم مانڈوی والا کریں گے۔ ڈسٹرکٹ ویسٹ میں ہونے والا مظاہرہ بنارس چوک پر ہوگا جس کی قیادت مرتضی وہاب کریں گے۔

ڈسٹرکٹ سینٹرل میں ہونے والا مظاہرہ لیاقت آباد 10 نمبر پر ہوگا جس کی قیادت شہلا رضا کریں گی اور ڈسٹرکٹ کورنگی میں ہونے والا مظاہرہ سنگر چورنگی پر ہوگا جس کی قیادت تاج حیدر کریں گے۔