دنیا کے دراز قد نصیر سومرو کیلیے اعزاز

کراچی:دنیا کے دراز قد انسانوں میں شمار پاکستانی شہری نصیر سومرو کو قومی ایئرلائن(پی آئی اے) میں ترقی دی گئی ہے، وہ اب سینئر پیسنجر ہینڈلنگ سروسز افسر مقرر ہوگئے۔

تفصیلات کے مطابق قومی آیئرلائن کے چیف ایگزیٹو آفیسر(سی ای او) ائیر مارشل ارشد ملک نے پی آئی اے کے کارکن اوردنیا کے طویل قامت انسان نصیر سومروکو پی آئی اے ہیڈ آفس کراچی میں پروموشن لیٹر پیش کیا۔

نصیر سومرو کو آفیسر گروپ 5 سے 6 میں سینئر پیسنجر ہینڈلنگ سروسز افسرکے عہدے پر ترقی دی گئی ہے۔

سی ای او پی آئی اے نے نصیر سومرو کو ترقی پر مبارکباد دی اور امید ظاہر کی کہ وہ مستقبل میں ایئر لائن کے لیے مزید بہتر کارکردگی کا مظاہرہ کریں گے۔