پاکستان ہاکی ٹیم بغیر گول کیپر کے ہی ڈھاکہ روانہ

کراچی: پاکستان ہاکی ٹیم بغیر گول کیپر کے ہی ایشئن چیمپئنز ٹرافی کھیلنے  ڈھاکہ روانہ ہو گئی ہے ۔چار میں سے ایک گول کیپر بھی جہاز میں نہ بیٹھ سکا۔

نجی ٹی وی نے ذرائع سے کہا کہ  پاکستانی ہاکی فیڈریشن نے ٹیم میں دو گول کیپرز منتخب کیے تھے ، گول کیپر عبداللہ اور وقارکی  جونیئر ٹیم کے ساتھ بھارت گئے تھے مگر مایوس کن کارکردگی پر کیمپ میں گول کیپر مظہر اورامجد کو طلب کیا گیا لیکن دونوں کے ویزے تاحال نہ لگ سکے جس کے باعث وہ ٹیم کے ساتھ روانہ نہ ہو سکے ۔

واضح رہے کہ ایشین چیمپئنز ٹرافی 14 دسمبر سے ڈھاکہ میں شروع ہو رہی ہے ،13 دسمبر تک قومی ٹیم میں کوئی گول کیپر نہ پہنچ پایا تو پہلے سے مشکلات کا شکار قومی ٹیم کیلیے مشکلات مزید بڑھ جائیں گی ۔