پاکستان اورنیدرلینڈ کے درمیان دوسرا ایک روزہ میچ آج کھیلا جائے گا

روٹرڈیم: نیدرلینڈ اور پاکستان کی کرکٹ ٹیموں کے درمیان 3 ایک روزہ بین الاقوامی میچوں پر مشتمل سیریز کا دوسرا میچ آج روٹر ڈیم میں کھیلا جائے گا۔ گرین شرٹس کو مایہ ناز بلے باز بابراعظم لیڈ کریں گے جبکہ میزبان ٹیم اسکاٹ ایڈورڈز کی زیر قیادت میدان میں اترے گی۔

پاکستان کو میزبان نیدرلینڈ کے خلاف تین میچوں کی سیریز میں 0-1 کی برتری حاصل ہے۔ نیدرلینڈز کو پہلے میچ میں 16 رنز سے شکست دے کر پاکستان نے آئی سی سی ورلڈ کپ سپر لیگ میں تیسری پوزیشن پر جگہ بنائی تاہم کلین سوئپ مکمل ہونے پر گرین شرٹس 120 پوائنٹس کے ساتھ میگا ایونٹ کے لیے کوالیفائی کر لے گی۔