ایران میں زلزلے کے جھٹکے۔5 افراد جاں  بحق

تہران: ایران کے جنوبی حصے میں زلزلے کے خوفناک جھٹکوں کے باعث مختلف حادثات میں 5 افراد جاں  بحق جبکہ  44 زخمی ہو گئے ۔

نجی ٹی وی کے مطابق ایران مین ایک کے بعد ایک چار مختلف زلزلے کے جھٹکوں نے ملک کے جنوبی حصے کو ہلا کر رکھ دیا ،  بندرگاہ بند رلینگے  کے شہر میں  زلزلے کے شدید جھٹکے ریکارڈ کئے گئے ، امریکی زلزلہ پیما  مرکز کا کہنا ہے کہ زلزلے کی شدت 6.1 ریکارڈ کی گئی جبکہ یورپ کے زلزلہ پیما ادارے نے  زلزلے کی شدت  6.2 میگنی ٹیوڈ قرار دی ۔

زلزلے کے باعث 12 دیہات کو نقصان پہنچا جبکہ  5 دیہات میں بجلی کی سپلائی کا نظام درہم برہم ہو گیا، متاثرہ علاقوں میں امدادی کارروائیاں جاری ہیں ۔