پاکستانی ٹیم  ہمیں ہارٹ اٹیک کرواکر چھوڑے گی، شائقین

پیر 26 ستمبر 2022, 9:25 صبح       آخری اپ ڈیٹ پیر 26 ستمبر 2022, 9:45 صبح اسپورٹس

کراچی: پاک انگلینڈ ٹوئنٹی سیریز کےچوتھے میچ میں پاکستان ٹیم کی کارکردگی نے شائقین کی دل کی دھڑکنوں  کا بھی تیز کردیا۔

اتوار کو نیشنل اسٹیڈیم کراچی میں کھیلے گئے میچ سے پاکستانی ٹیم کے بارے میں مشہور یہ بات درست ثابت ہوئی کہ قومی ٹیم چاہے تو جیتا میچ ہار کر اور ہارا میچ جیت کر بھی سب کو حیران کرسکتی ہے۔

میں میں ایک موقع پر انگلینڈ کے صرف 14 رنز پر تین ابتدائی بلے بازپویلین لوٹ چکے تھے جس کے بعد یقینی لگ رہا تھا کہ پاکستان یہ میچ جیت جائے گا۔

130 پر انگلینڈ کے ساتھ کھلاڑی آؤٹ ہوچکے تھے تاہم انگلینڈ کے لیام ڈاسن نے 17 گیندوں پر34 رنز بنا ڈالے تو لگ رہا تھا کہ پاکستان کی

شکست یقینی ہوچکی ہے ہو پاکستان کے جیت کا امکان کم  نظر آرہا تھا۔ لیکن حارث رؤف کا 18 واں اوور انگلینڈ کیلئے ڈراونا خواب ثابت ہوا جنہوں نے اس اوور مں پاکستان کیلئے درد سر بننے والے لیام ڈاسن سمیت دو کھلاڑیوں کو یکے بعد دیگرے پویلین  روانہ کرکے میچ میں پاکستان کی واپسی کی راہ ہموار کردی۔

آخری اوور میں انگلینڈ کو جیت کیلئے چاررنز اورپاکستان کو ایک  وکٹ کی ضرورت تھی، انگلینڈ  کے کھلاڑی ریس ٹوپلی رن لینے کی کوشش میں آؤٹ  ہوگئے اور اس طرح ایک حیران کن  فتح پاکستان کے حصے میں آئی۔

پاکستان کے شاندار فتح کے ٹوئٹرپر واٹ اے میچ کا ہیش ٹیگ ٹرینڈ کرنے لگا اور شائقین نے میچ پر مختلف تبصروں کا اظہار کیا۔

Copyright © 2024 Ummat Digital. All Rights Reserved